華南冰室 (已結業)

黎到這間充滿街坊風味的茶記，主要想試試它的面包，通常舊式面包茶餐廳既雞尾菠蘿包都唔錯既。試左華南既雞尾包同菠蘿油都的確係唔錯，熱辣辣又漲卜卜，出爐即食真係好精彩！另外老死試左個火腿通早餐，係最普通老牌茶餐廳級數，通粉好淋，而湯就係普通味精湯；腸仔同蛋都落太多油，唔係太好食。我地兩個人一路食，一路睇住隔離枱既老街坊們都好享受枱面既包同熱奶茶，好多都係自己一個人黎，但坐低就互相打下招呼，同店員吹下水。好大陣深水埗街坊人情味呢！應該將來都會間中黎咬個包，享受下街坊既愛。