影片
更多
2019-09-21
74 瀏覽
太和邨好多隱世食堂，價錢又親民，主要都係做街坊生意。我地平日既8點鐘來到已經座無虛席，證明呢間泰國餐廳既食物質素有返咁上下水準。叫來船，裏面嘅裝修又真係幾似一艘方舟咁，以木做主調，連坐緊嘅櫈都係用出海裝魚的圓木桶。成個環境配合柔和燈光，坐得舒服。Combo 小食拼盤 (小) $52總共有4款小食，我最鍾意係炸蝦餅，炸得好酥香，裏面蝦肉彈牙，炸章魚餅食到粒粒章魚肉，唔錯！青木瓜沙律 $62青木瓜爽脆新鮮，味道調得好好，酸酸甜甜辣辣咁好開胃， 仲有爆汁提子。 花生有炒香過，惹味！招牌菠蘿炒飯配虎蝦 $158來到實物同menu影既相是一樣架！ 菠蘿鮮甜，一咬就爆汁！ 虎蝦好大隻，但燒得有點乾身。 夏日芭東海灘 (菠蘿) $58即係椰子汁加菠蘿嘅沙冰，清甜， 仲可以食埋裏面既椰子肉食。焦脆芒果園 $58呢杯嘢賣相好靚，但太甜啦， 最後飲唔曬。整體嚟講食物質素好，價錢唔算貴，絕對可以再來！
叫來船，裏面嘅裝修又真係幾似一艘方舟咁，以木做主調，連坐緊嘅櫈都係用出海裝魚的圓木桶。成個環境配合柔和燈光，坐得舒服。
Combo 小食拼盤 (小) $52
總共有4款小食，我最鍾意係炸蝦餅，炸得好酥香，裏面蝦肉彈牙，炸章魚餅食到粒粒章魚肉，唔錯！
青木瓜沙律 $62
青木瓜爽脆新鮮，味道調得好好，酸酸甜甜辣辣咁好開胃， 仲有爆汁提子。 花生有炒香過，惹味！
招牌菠蘿炒飯配虎蝦 $158
來到實物同menu影既相是一樣架！ 菠蘿鮮甜，一咬就爆汁！ 虎蝦好大隻，但燒得有點乾身。
夏日芭東海灘 (菠蘿) $58
即係椰子汁加菠蘿嘅沙冰，清甜， 仲可以食埋裏面既椰子肉食。
焦脆芒果園 $58
呢杯嘢賣相好靚，但太甜啦， 最後飲唔曬。
整體嚟講食物質素好，價錢唔算貴，絕對可以再來！
張貼
