青蛙仔香港地美食

營業中

休息中

想食肥姐終於唔使喺旺角街頭排長龍啦，是關肥姐新抱創業開咗新品牌青蛙仔，進住咗荃新天地，可以喺商場入面嘆住冷氣排隊買。是晚口痕又嚟買滷味小食，八點嚟到幾乎咩都賣曬，咁就掃幾串鹵水同燒賣魚蛋啦。點咗份孖寶，要七粒燒賣加九粒陳皮魚蛋，要埋混醬汁加麻辣，燒賣煙韌魚蛋彈牙，醬汁鹹鹹辣辣先至正😋鹵水淨返唔多，要咗墨魚、生腸、紅腸、鮑魚仔、雞翼尖同豬頭肉，醬汁梗係全要啦，豉油、甜醬、芥末缺一不可🤤墨魚、生腸、鮑魚仔都好爽口，但各自嘅口感又唔同。紅腸同豬頭肉啖啖肉好正，雞翼尖都好好味，但係街邊要𦧲骨就麻煩啲🤣喺街邊食咗幾啖，就拎返屋企慢慢嘆啦。想多啲款揀，下次要早啲嚟先得😎