上野酵素麵包生活館

營業中

休息中

去太子上堂，經過呢間麵包店有台式酥餅賣，而且仲有好多口味，令我想起台灣嘅小店，受唔住誘惑買咗幾件返屋企食。要買6個先有盒裝住，因為第一次幫襯唔敢買咁多，所以只買3款不同口味試吓！左起：棗泥酥、紫芋酥、栗子酥三款當中我最期待棗泥酥，因為平時都好鍾意食紅棗糕之類嘅嘢，返到去第一時間切開個棗泥酥嚟試吓！切開覺得皮唔夠香酥，棗泥帶有一點點酸味。再試吓紫芋酥，竟然冇咩芋頭味，再食埋個栗子酥，好甜好甜，完全唔知食緊栗子味嘅嘢！上網睇吓間麵包店嘅資料，原來主打天然食材，唔怪得同平時食嘅台灣酥餅有咁大分別