大快活

營業中

休息中

前幾日晚上來到金鐘，諗住慳番個錢，見有間大快活喺度，想起佢最近廣告的鐵板牛立方賣相好似唔錯，一於同老婆一人一個試吓。點知一試之下，d所謂牛立方完全唔掂，韌得佢吖，有d簡直係幾經辛苦先可以用牙嚙開吞落肚，實在太令人失望啦！而且佢d醬汁也太過甜，同d牛肉夾起上來味道唔係咁夾，一句到尾，呢味所謂「鐵板牛立方」只係廣告賣相吸引，食落真係完全唔掂囉！後記：過左兩三日，老婆照版煮碗整左個自家製牛立方，味道質素仲好過佢，你話佢係咪好離譜吖！