敏華冰廳 (荃錦中心)

營業中

休息中

Hello 大家好👋🏻！今日我嚟到位於荃灣荃錦中心嘅「敏華冰廳」，我已經係常客，貪佢唔花巧又簡單乾淨， 食物質素有保證。今次同大家分享一下佢哋嘅補鐵午餐「夠薑豬膶牛肉湯公仔麵+炒滑蛋+歐式軟多士」。個名就夠長啦，不過確實可口😆。美食攻略：先講下件歐式軟多士，自問對餐包類都不感興趣，唯獨敏華呢個軟多士我唔會嘥，外脆內軟嘅厚多士配牛油一絕呀。 豬膶爽口薑味充足，一啲腥味都無。 襯埋個滑蛋，呢餐又鐵質又蛋白質，營養價值豐富嘅一餐💪🏻。至於敏華個奶茶，唔洗多講啦，佢有幾出色人人都知啦。美食指數：5🌝最高味道：🌝🌝🌝🌝🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌝🌚🌚