影片
更多
2023-08-06
4864 瀏覽
Urban Cafe原來已不停擴充，之前去過旺角(油麻地)&觀塘，裝修是比較偏向舊式的樓上cafe。今次去荔枝角分店，唔知係咪係商場入面，裝修比其他分店靚，以木色為主，文青感覺。無預約的情況下等咗一個鐘，唔知點解walk-in叫3-4人枱仲多過叫2人枱，究竟係我唔好彩定餐廳真係target家庭客?!Urban Cafe吸引人既地方除咗貓，食物都唔差，價錢亦同一般cafe相約。當日星期日，家庭客極多!!! 意指小朋友也極多。。。小朋友看到貓的反應，大家應該也明白，就是熱鬧過度........貓一停下來，四方八面便會伸出好多隻手。。。如果想靜靜地同貓貓影吓相，摸吓佢地，我諗平日"返學時間"黎會好啲啲。講返食物安格斯牛肉手工漢堡配脆薯 ($118)麵包鬆厚，上面插咗支狗造型的旗仔好有兒童餐feel。漢堡扒肉汁充足，可惜肉味唔算突出，另外夾著蕃茄同少少生菜。薯條係粗薯條，炸得唔錯，兩個人食完仲想食多啲。以呢個價錢來說，性價比都算高，但總覺得觀塘個間同樣食物更好食。夏威夷薄餅 ($98)薄餅係厚批，有少少似麵包店買個種底，但大個啲咁。 芝士超多，拉絲無難度，味道方面正正常常。Oreo 脆脆特濃朱
今次去荔枝角分店，唔知係咪係商場入面，裝修比其他分店靚，以木色為主，文青感覺。
無預約的情況下等咗一個鐘，唔知點解walk-in叫3-4人枱仲多過叫2人枱，究竟係我唔好彩定餐廳真係target家庭客?!
Urban Cafe吸引人既地方除咗貓，食物都唔差，價錢亦同一般cafe相約。
當日星期日，家庭客極多!!! 意指小朋友也極多。。。小朋友看到貓的反應，大家應該也明白，就是熱鬧過度........
貓一停下來，四方八面便會伸出好多隻手。。。如果想靜靜地同貓貓影吓相，摸吓佢地，我諗平日"返學時間"黎會好啲啲。
講返食物
安格斯牛肉手工漢堡配脆薯 ($118)
麵包鬆厚，上面插咗支狗造型的旗仔好有兒童餐feel。
漢堡扒肉汁充足，可惜肉味唔算突出，另外夾著蕃茄同少少生菜。
薯條係粗薯條，炸得唔錯，兩個人食完仲想食多啲。
以呢個價錢來說，性價比都算高，但總覺得觀塘個間同樣食物更好食。
夏威夷薄餅 ($98)薄餅係厚批，有少少似麵包店買個種底，但大個啲咁。 芝士超多，拉絲無難度，味道方面正正常常。
Oreo 脆脆特濃朱古力 ($55)唔知係咪我睇咗陣貓先飲，唔太覺有脆脆......偏甜一點。
張貼
