忠仔麵 (御海灣)

營業中

休息中

車仔麵店位於屯門御海灣，裝潢非常有特色，無論牆上嘅佈置、所有裝潢都採用非常懷舊嘅風格：例如彩虹邨相片、跳飛機遊戲、車仔麵檔擺設及洗手間模仿公屋的油漆等，似去返小朋友年代。嗱喳（過橋）忠仔麵超多餸，我自己最鍾意牛筋同牛肋條，超級入味！喜愛食米粉，無論咩湯底，索左汁一樣會咁好食🤤自選粉麵及湯底，腩汁色澤較深，而且非常濃味，讚！呢款車仔麵係「忠仔麵」招牌菜，超多餸鋪喺表面，好霸氣！瑞士汁芝士雞脾撈麵瑞士汁分開上，唔怕整冧個麵。瑞士汁非常好食香甜嘅味道，如果鍾意食得比較濃味，用個汁做沾麵亦可。雞髀打人牙骹軟—肉質好Juicy;表面大大塊燒過既芝士鋪上，又香又邪惡！小食即燒BB雞翼（孜然味）即叫即燒好好食，加埋孜然粉會更香！叫BB雞翼，係因為採用左迷你版雞翼，外皮香脆雞肉嫩滑，送可樂一流。涼拌雲耳配雞腎涼拌個汁調得非常好，鹹香配搭少少辣幾開胃。個人鍾意雲耳多啲，又健康、質感又軟身。