Monsoon (已結業)

去西九文化區玩咗成個下晝，近近地去圓方搵嘢食，商場裡面嘅食肆嚟講，呢間東南亞菜 Monsoon 收得比較夜，可以有多啲時間食飯傾偈，而且價錢都算大眾化，裝修方面都 OK 啦，唔算好豪華，但係簡約得嚟又幾有越南風味，打卡影相都幾靚嘅。今次我哋叫咗 印尼巴東鱈魚（$168），鱈魚好滑，有少少辣，好好味，又叫咗 鴨肉菠蘿炒飯（$128），多咗啲鴨肉吊吓味，確實比一般菠蘿炒飯香口好多，又叫咗 巴東椰奶燉牛肋骨（$168），呢個一般般冇乜特別，另外叫咗杯雪芭特飲（$78），貪佢打卡好鬼靚。