馬六

營業中

休息中

馬六(西灣河分店)位於太安樓地下，距離西灣河地鐵站5分鐘路程，馬六在香港係連鎖餐廳，食物質素有一定水準保證，而且絕不馬虎。今日 #中產窮L 就同女友把握下午茶(2點半至6點)截止前最後5分鐘，幫親佢地既抵食下午茶套餐，餐廳目測大約有50個座位，而且有一半都是卡位，非常舒適。講番正題，下午茶有不同星馬泰湯粉面飯選擇，而且仲有好多食客選擇既海南雞，今日我地就選擇左大蝦喇沙摻摻(62蚊)，非常大碗，喇沙味道濃郁，除左有幾粒爽口彈牙大蝦，還有幾粒魚蛋，豆腐泡，非常入味另外，雞絲紮肉雞湯米線(48蚊)，材料亦非常豐富，除左有雞絲，仲有半隻雞蛋，火腿片，魚蛋和豆腐泡，套餐還額外加配班蘭咖央多士(22蚊) ，多士脆扑扑，夾著一層班蘭和一層牛油，口感十足至於，套餐仲額外加配左馬拉盞炒通菜 (26蚊)，炒得非常有鑊氣，馬拉盞醬非常惹味。最令小編吸引就係佢地有多達十款指定熱飲跟套餐不用另加收費，而今次就選擇左熱桔仔話梅水，味道濃郁，非常好味！下午茶，2位埋單只需158蚊，就食到2碗面，2個配菜和2杯飲品，真係CP 值爆燈。