Bistro East

營業中

休息中

餐廳近西灣河碼頭，成條街都有唔同嘅餐廳，可以話係靜中帶旺，都幾適合知己聚會或者拍下拖。氣氛都幾唔錯，食飽仲可以行吓海旁邊。‣ Beef Tartare $208唔好見佢他他好似比較貴，佢嘅份量同一碟主菜冇乜分別，超級多同埋大份。而佢嘅他他係有少少辣，所以食落去嘅時候唔會覺得好膩，就咁食都好清爽，鍾意食他他一定要試。‣ Fole Gras $168‼️超級推薦‼️佢啲鵝肝煎得好香，而且都比較少見搭配無花果，但估唔到食落口嘅時候都幾驚喜，所以我先會用滿滿嘅幸福感嚟形容，係口腔剩低嘅只係鵝肝嘅香氣，而唔係油膩感。‣ Pork Ribs $228食到呢到其實已經好飽，餐廳普遍啲嘢都比較大份，而豬肋骨兩個人分享就啱啱好。薯條都係幼薯，啱晒我嘅口味夠晒脆卜卜。而豬肋骨都夠晒多肉，食起嚟嘅時候真係爽。‣ Tiramisu $88個Tiramisu係店員即席幫你處理，為食嘅我已經等唔切佢解凍即刻食咗，結果發現都幾有驚喜，好似食雪糕咁。至於解凍咗嘅部份亦都好濃奶香同咖啡嘅香味，入口即溶，我自己就建議當雪糕咁樣食，真係別有一番風味。