阿爺燒鵝餐室 (已結業)

今日剛巧在西灣河開完會，就在附近搵下有咩好食，見到呢間燒鵝皇好多客人，好受歡迎，就想買燒味外賣回家嚐下。餐廳門口可以見到入面掛满的燒味，有燒鵝，燒肉，叉燒等，光澤鮮色，賣相吸引。我買咗一份燒鵝脾，$100, 油光鮮艷，呈深啡紅色，香氣撲鼻，外皮香脆，肉質嫩滑多汁，鮮甜美味，咬落油脂香味散發，肥瘦適中，不帶肥膩感。貴妃雞，半隻，$70, 份量多，雞肉嫩滑鮮甜，白色厚肉，雞皮都唔會好肥膩，雞肉味濃郁，咸度適中，點薑蔥食味道好夾。