犀牛廚房

營業中

休息中

同朋友去西灣河文娛中心睇舞台劇，睇完再食晚飯。西灣河最出名食嘢梗係太安樓，但同朋友想坐得舒服啲，於是靠OpenRice搵食。呢間餐廳喺聖十字徑，燈火通明，喺呢條小徑都幾搶眼。入到去由於高樓底，環境都幾舒服，門口亦有枱可以outdoor seating。兩個人叫咗一碟油封鴨髀香蒜橄欖油意大利麵同埋牛油白酒煮活蜆。意大利麵有鴨油香，加埋少量辣椒都幾好味。鴨髀肉嫩但唔算好有鴨味。活蜆就好新鮮，有甜味，伴上三條烘到金黃嘅麵包條，可以點埋啲汁唔好嘥最後叫咗個檸檬芝士蛋糕，呢個味道就一般。總括來講，呢度環境舒適，食物也不錯，不過服務就有需要改善，侍應好多時都企埋一邊㩒手機，未有好好關注食客嘅需要。