影片
更多
2023-05-18
1172 瀏覽
上次食完澳門世記個厚多士之後念念不忘🤤HKU附近竟然有類似嘅厚多士三文治食，仲要超多餡料選擇配搭，即刻去！猶豫咗陣要芝士蛋定吞拿魚，最後朋友幫我揀咗吞拿魚:3▶️ 吞拿魚三文治 ($35)除咗吞拿魚，仲有青瓜同紫洋蔥鍾意佢切到好碎而唔係一片片，容易啲咬又唔會覺得太「生」太爽🥒🐟吞拿魚比例多，味道一啲都唔腥，主要因為落咗大量黑椒粒調味 (唔係講笑真係好大量，每啖都一定咬到幾粒大黑椒)紫洋蔥都有除腥功效🧅好彩呢個紫洋蔥唔攻鼻或太過重味，食完唔會口臭🤭另外仲落咗適量沙律醬，令吞拿魚變成醬，冇咁乾爭爭沙律醬扁稀，但又唔會令麵包「濕爹爹」最正係佢個厚多士🍞係平時三文治嘅兩倍厚度用上連皮全麥麵包，兩面搽上牛油🧈再放起grill pan烘烤，令麵包呈金啡色食落口感似丹麥吐司但冇咁油，底面外層微脆，入面軟綿有嚼口唔知係咪用咗有鹽牛油嘅關係，煙靭嘅麵包皮帶啲鹹鹹地嘅味，好過癮(見到隔離有人食淨啲邊邊好嘥，明明啲邊先最有質感最好食🥺)最勁係由頭到尾都保持到口感，冇俾入邊啲餡料整淋或者因為凍咗而硬咗👍🏻▶️ 真。幸福三文治 ($60)類似公司三文治🥪入面有芝士、餐肉、炒蛋、生菜、吞拿魚成個三文治好夠味，而且餡料
HKU附近竟然有類似嘅厚多士三文治食，仲要超多餡料選擇配搭，即刻去！
猶豫咗陣要芝士蛋定吞拿魚，最後朋友幫我揀咗吞拿魚:3
▶️ 吞拿魚三文治 ($35)
除咗吞拿魚，仲有青瓜同紫洋蔥
吞拿魚三文治
$35
56 瀏覽
0 讚好
0 留言
鍾意佢切到好碎而唔係一片片，容易啲咬又唔會覺得太「生」太爽🥒
🐟吞拿魚比例多，味道一啲都唔腥，主要因為落咗大量黑椒粒調味 (唔係講笑真係好大量，每啖都一定咬到幾粒大黑椒)
紫洋蔥都有除腥功效🧅好彩呢個紫洋蔥唔攻鼻或太過重味，食完唔會口臭🤭
另外仲落咗適量沙律醬，令吞拿魚變成醬，冇咁乾爭爭
沙律醬扁稀，但又唔會令麵包「濕爹爹」
最正係佢個厚多士🍞係平時三文治嘅兩倍厚度
用上連皮全麥麵包，兩面搽上牛油🧈再放起grill pan烘烤，令麵包呈金啡色
食落口感似丹麥吐司但冇咁油，底面外層微脆，入面軟綿有嚼口
唔知係咪用咗有鹽牛油嘅關係，煙靭嘅麵包皮帶啲鹹鹹地嘅味，好過癮
(見到隔離有人食淨啲邊邊好嘥，明明啲邊先最有質感最好食🥺)
最勁係由頭到尾都保持到口感，冇俾入邊啲餡料整淋或者因為凍咗而硬咗👍🏻
▶️ 真。幸福三文治 ($60)
類似公司三文治🥪入面有芝士、餐肉、炒蛋、生菜、吞拿魚
成個三文治好夠味，而且餡料夾
雖然多數材料係煎／炒，但食落唔會油膩
唯一係雞蛋炒得熟咗啲，冇咗eggy濕潤嘅口感🍳
-
佢啲三文治真係好正，全部落單即製，食完絕對有幸福嘅感覺😌
同上次世記食嘅唔同: 以麵包來講呢間取勝，比起世記個三文治更厚更有嚼口，世記就比較香脆多士feel，牛油味亦比較重
但世記個厚蛋真係好正，所以各有各好食
份量比想像中大，千祈唔好睇小佢當佢係普通茶記三文治！食完一份超飽肚，飽過食飯😂
如果大家叫「超。幸福三文治」嘅話係有三層，稱得上係三文治界嘅巨無霸🍔
成間店由一個女人主理，樓面廚房都係佢，落完單就即刻入去整三文治，但上菜唔會話等好耐，佩服佩服
位於第三街上面嘅一個小角落，唔特別搵係唔會見到佢，所以主要做附近街坊同熟客生意
舖仔細細，大概坐到12人，枱與枱之間比較擠迫，而且店舖冇冷氣🥵夏天嚟食都幾熱幾焗
價錢相對平民，三文治平均$40左右，飲品就偏貴，另外有限每人最低消費$50
呢間可能係我見過最專嘅咖啡店，佢係乜來源地嘅咖啡豆都有(南美洲、中美洲、牙買加、亞洲各地)，係有另一個排滿字嘅餐牌賣咖啡，好誇張🤯
張貼
