影片
更多
2023-05-02
1253 瀏覽
-𝙋𝙊𝙉𝘿𝙄 𝐀 𝐡𝐢𝐝𝐝𝐞𝐧 𝐠𝐞𝐦 𝐢𝐧 𝐚𝐧 𝐚𝐥𝐥𝐞𝐲𝐰𝐚𝐲 💎最近發掘左一間位於西營盤小巷既小店主打法式印度菜 - 想講真係非常高質相比起平時既印度菜較為健康D不過口味仍然偏重 - 正中我口味呢!開放式廚房可以睇到成個煮食過程冇平時法國菜既神秘感 環境好舒適而且店員都好friendly 同仔細介紹菜式🌟Chef's Tasting - 6 Course ($500/pp)🥑Avocado Mess 係將印度街頭傳統小食 - Chaat 做左小創新 用Masala / 鷹嘴豆 / 牛油果 / 燒番茄 / 粟米 / Yogurt同木瓜去做個Smash 再配上黑椒脆片一齊食 真係好開胃 個味道非常清新獨特🦪Seared Scallops (off menu)用上北海道帶子配黑蘭度豆韭菜牛肉呢個組合聽落可能好似好奇怪 但真心好好味!厚身帶子口感鮮嫩 呈半生熟既狀態底層係黑蘭度豆 食落濃味得黎好惹味而上層係蒜香牛油韭菜牛肉 味道層次非常豐富🦆Duck Kanda Bhaji係用左油封鴨肉絲同薯絲整成既薯餅放係微酸椰子汁上面 中和番鴨肉既油膩感咬開果陣係外脆內多汁 個人好中意成個組合!!
𝙋𝙊𝙉𝘿𝙄
𝐀 𝐡𝐢𝐝𝐝𝐞𝐧 𝐠𝐞𝐦 𝐢𝐧 𝐚𝐧 𝐚𝐥𝐥𝐞𝐲𝐰𝐚𝐲 💎
最近發掘左一間位於西營盤小巷既小店
主打法式印度菜 - 想講真係非常高質
相比起平時既印度菜較為健康D
不過口味仍然偏重 - 正中我口味呢!
開放式廚房可以睇到成個煮食過程
冇平時法國菜既神秘感 環境好舒適
而且店員都好friendly 同仔細介紹菜式
🌟Chef's Tasting - 6 Course ($500/pp)
🥑Avocado Mess
係將印度街頭傳統小食 - Chaat 做左小創新
用Masala / 鷹嘴豆 / 牛油果 / 燒番茄 /
粟米 / Yogurt同木瓜去做個Smash 再配上黑椒脆片一齊食
真係好開胃 個味道非常清新獨特
🦪Seared Scallops (off menu)
用上北海道帶子配黑蘭度豆韭菜牛肉
呢個組合聽落可能好似好奇怪 但真心好好味!
厚身帶子口感鮮嫩 呈半生熟既狀態
底層係黑蘭度豆 食落濃味得黎好惹味
而上層係蒜香牛油韭菜牛肉 味道層次非常豐富
🦆Duck Kanda Bhaji
係用左油封鴨肉絲同薯絲整成既薯餅
放係微酸椰子汁上面 中和番鴨肉既油膩感
咬開果陣係外脆內多汁 個人好中意成個組合!!
🦑Stuffed Calamari
呢個係招牌菜之一 - 店員都極力推介
其實呢個係豬腩肉碎釀魷魚筒配蜆
一咬開魷魚筒D肉汁肉碎係傾湧而出🤯 非常香口
配搭新鮮又大粒既蜆肉 鮮味四溢 又索到湯汁
湯汁除左有滿滿既海鮮味之外
仲有開心果 煙靭口感中帶點脆口
再用側邊伴有既Pita Bread 配湯汁食都好唔錯
如果個包就少油DD就完美了!
🐟Vadouvan Branzino
煎白身魚配新鮮青口
煎得外脆內柔軟多汁 青口都大大粒不在下
重點係個汁好好味!!! 食得出係由多種香草熬製而成
質感Creamy 濃郁 加入左D蔥油更為香口
🍮Fig Sticky Toffee Pudding
無花果拖肥布丁 看似普通但都好有驚喜
食落香料味頗重 上面有鹽味忌廉同椰子紅茶味拖肥
味道鹹甜鹹甜的 下面係核桃 crumble 質地濕潤軟稔
🍸Bloody Delight ($120)
Vodka / Ruby Port Wine / Tomato / Lemon / Spice Mix
飲落比較似烈酒 酸得黎帶得有微辣
香料味道都比較重 不過飲飲下都接受到
🍸Jouissance ($120)
Vodka / Passion Fruit / Cucumber / Lime
一開始飲都係覺得酒精味道好濃烈
但係相比Bloody Delight 會多一份清新感
百香果同青瓜味都突出 相對地易入口D
整體黎講 呢間非常高質 值得一試
店鋪雖小 但係氣氛都好好 慶祝特別節日都好岩
以呢個質素黎講真係比得上出面高級餐廳
價錢方面都非常友好 又試到特別既菜式
張貼
