Alvy's (已結業)

最近同朋友喺西環覓食，無意中搵到呢間美國菜嘅餐廳，佢係主打pizza同啤酒，入去先發現呢間餐廳係好多fusion嘅菜色，例如會加入叉燒同腐乳等等，好驚喜😍 𝐋𝐚𝐭𝐤𝐞𝐬呢款薯餅嘅面鋪咗啲薑蓉，味道上有啲特別，因為加入咗港式嘅調味，估唔到口感同味道都不錯！ 𝐘𝐮 𝐊𝐰𝐞𝐧 𝐘𝐢𝐤 𝐇𝐨𝐭 𝐖𝐢𝐧𝐠𝐬鍾意食辣嘅朋友唔好錯過～因為呢款雞翼真係偏辣！但食落好惹味，因為有余均益辣椒醬，點返少少𝐛𝐥𝐮𝐞 𝐜𝐡𝐞𝐞𝐬𝐞 𝐝𝐢𝐩可以中和返個辣度，而且可以食到另一個味道！ 𝐀𝐥𝐯𝐲’𝐬 𝐂𝐚𝐞𝐬𝐚𝐫呢款嘅沙律都比較新穎，係加入咗腐乳醬同叉燒，味道上都覺得好夾，第一次食到用咁多樣港式食物嘅美國菜，出乎意料地好食～ 𝐓𝐡𝐞 𝐂𝐡𝐞𝐞𝐬𝐞𝐛𝐮𝐫𝐠𝐞𝐫佢個𝐩𝐢𝐳𝐳𝐚底係較薄，不過好足料！芝士同煙肉都鋪滿晒，感覺真係好似食緊𝐩𝐢𝐳𝐳𝐚咁，味道上唔會因為好多煙肉而覺得太鹹，反而覺得啱啱好！𝐩𝐢𝐳𝐳𝐚仲可以拉絲添～