叁去壹點心粉麵飯

營業中

休息中

兩個人吃了八款點心都米話唔大食。蝦餃、蟹子燒賣、山竹牛肉、叉燒包、蓮蓉包、鮮竹卷、蝦米腸同埋雞札。叉燒包入面真係有叉燒粒而唔係淨係得pat醬加D唔知乜野肉粒，個包的皮厚厚的好有質感而唔會輕飄飄。蓮蓉包印象中衣家好少地方有得食，個包嘅皮同叉燒包一樣都係厚身嘅，蓮蓉比較杰身，食一個已經飽晒。蝦餃同燒賣都好食，蝦餃唔係出面追求大大隻蝦嗰D，不過一啖一粒食得好開心。鮮竹卷好好食，因為入面嘅料好認真，唔係求其放D肉入去就算數。蝦米腸就一般咗D，唔知係唔係唔夠熱嘅關係呢。山竹牛肉都好食，舊牛肉似乎係師傅自己攪嘅，所以咬落去時個肉質明顯係高幾班。呢D小店買少見少，真係多D要支持一下。