白熊咖哩 (已結業)

今日我要同男朋友要過澳門，需要係上環上船。因為大家沒有食早餐，上船前大家都肚餓，所以我地就決定係信德中心食小小野。之前成日聽白熊咖哩都幾出名，最後決定揀呢間食個午飯。我地分別叫左：日式白汁焗雞皇飯，等左成40分鐘。等左甘耐，一上菜就急不及待開始食架啦，點知發現焗飯入面既西蘭花有菜蟲。通知左職員，但係估唔到職員諗住換個淨湯烏冬比我地，完全唔合理。因為價錢同焗飯吾同，份量都吾同，服務態度及處理手法真係有待改善！最後我地沒有換到，因為趕時間同埋覺得唔值。食落，雞肉是鞋的，白汁配飯都唔係想象中甘好味。咖哩雞肉烏冬，温泉蛋需要額外加。烏冬口感還算可以，咖哩味香而不辣，如果要加辣，枱面有辣椒油可任加。另外，雞肉比較碎。野飲叫左奶昔，得甜味，陣味有啲假，擺耐左仲分左上下兩層。如果吾係呢個商場選擇少同比呢間的名氣吸引，都吾會有今次的不愉快事件。之後我地未必會再光顧。