CENA

營業中

休息中

星期六晚特意同女朋友渣車入西貢，遠離市中心搵食。不過夜晚七點左右已經無哂車位，只好泊街啦。之後我地就去左ＣＥＮＡ，主要因為可以睇到架車之餘，價錢又唔係貴。客人大多都係外國人啦，係正公園隔離，所以好多小朋友。我地叫左2杯apple cider，一份pasta同埋一份ribeye 加薯條。因為外國人份量，所以都幾飽。個pasta一大碟，好香橄欖油同香料味，感覺清新之餘，意粉又唔會太淋無咬口，但係就略嫌唔夠味。ribeye大大份切好哂上，一啖一舊剛剛好，加埋燒烤醬非常惹味。伴碟有滾熱辣薯條同埋薄荷葉，感覺都幾特別。最後食左一個鍾，埋單大約３百幾。