甜源居

營業中

休息中

前幾日去西貢玩，天氣超級熱，經過見到呢一間糖水舖，就即刻入去食甜品解暑，估唔到佢哋嘅甜品都幾有驚喜喎！芒果河粉我好鍾意食芒果，所以就叫咗呢個芒果河粉，佢哋用嘅芒果係好新鮮同好甜嘅，而且個底有好多芒果汁，芒果控超鍾意！河粉就係滑捋捋，冰冰涼涼超級適合夏天！招牌楊枝甘露朋友嗌咗嘅楊枝甘露都好唔錯，芒果肉都係好甜，西柚好清新好Refreshing，西米露軟腍腍有咬口，好消滯解暑！喺西貢行完街或者玩完水上活動熱辣辣，入去食返碗冰冰涼涼嘅糖水真係好正！大家過去西貢玩嘅時候都可以留意吓呢間甜品舖！