土生花 (已結業)

聽聞餐廳嘅裝修非常精巧，喺 社交平台 send message訂位好快有回覆，其實主要目的係想睇餐廳嘅設計，食物係其次。安排坐咗喺酒吧旁邊嘅卡位，寛躺舒適，有舒適柔和嘅燈光，氣氛寧靜，佈置以白木為主，手工精緻，精心設計，非常之有藝術氣質。本身平時都喜愛素食，兩個人都係揀四道菜嘅套餐，本人再加埋wine pairing，再加多一味三色薄餅。服務方面大致上ok，關於wine pairing嘅問題都解釋得清楚，不過wine方面就唔好期望過高，Set Menu以外加多道菜亦都講清楚幾時上。因為係寺廟嘅素食，唔好期望有咩味覺上嘅刺激，一般都比較淡口，但係每道菜都算有板有眼，視覺上可以滿足，只係覺得每道菜之間冇乜唞氣位，嚟得有啲趕，所有嘢都好似預先整定咁，轉個頭好快就上下一道菜，既然係修身之地，又何必咁急呢⋯⋯ 整體嘅經驗都覺得幾特別，服務唔錯，不過侍應可以再人性化少少，令到呢間設計咁特別嘅餐廳增添一點兒神韻。