影片
更多
2022-10-14
116 瀏覽
七月餐室 (九龍灣)好食度： 😋😋/5性價比： 😌😌/5回頭率： 🚶🏻/5價錢：HKD62，瑤柱蝦仁炒飯連熱飲 and HKD52，沙嗲牛肉麵常餐到底lunchtime 有咩好食？港男真係思考咗好耐，唯有周圍睇吓有無啲新嘅衝擊。今次港男就嚟到呢間七月餐室，環境都不過不失，應該因為未算開業好耐。餐牌上嘅食物種類不少，可惜喇沙就暫停供應，最後港男揀咗個瑤柱蝦仁炒飯食。唔知係咪鬼揞眼，竟然留意唔到有常餐，如果唔係應該會叫常餐，因為睇見其他人啲炒蛋都幾靚仔下。咁講返港男自己叫嘅炒飯先，唔難食，但絕對稱唔上好食，咁蝦仁都唔少嘅，可惜味道真係不算太吸引，而且炒飯嘅等候時間會耐啲，可能真係即叫即炒？不過一出貨就幾碟炒飯一齊出，希望唔係等埋夠數先一次過炒啦。🤔嘢飲方面就基本包熱飲啦，但港男見到有可口可樂海報，好似係加三蚊就可以轉玻璃樽可樂？但成個場唔見人飲，唔太確定係咪真係可以啊下。總括嚟講，下次都真係直接試常餐好過，成個場嘅人都真係多數叫常餐或者all day breakfast 多，而港男睇見隔離枱嘅all day breakfast 係擺得幾靚仔嘅。然後港男又真係走去畀多次機會佢，今次就直搗黃龍
好食度： 😋😋/5
性價比： 😌😌/5
回頭率： 🚶🏻/5
價錢：HKD62，瑤柱蝦仁炒飯連熱飲 and HKD52，沙嗲牛肉麵常餐
到底lunchtime 有咩好食？港男真係思考咗好耐，唯有周圍睇吓有無啲新嘅衝擊。今次港男就嚟到呢間七月餐室，環境都不過不失，應該因為未算開業好耐。餐牌上嘅食物種類不少，可惜喇沙就暫停供應，最後港男揀咗個瑤柱蝦仁炒飯食。唔知係咪鬼揞眼，竟然留意唔到有常餐，如果唔係應該會叫常餐，因為睇見其他人啲炒蛋都幾靚仔下。
瑤柱蝦仁炒飯
$62
12 瀏覽
0 讚好
0 留言
咁講返港男自己叫嘅炒飯先，唔難食，但絕對稱唔上好食，咁蝦仁都唔少嘅，可惜味道真係不算太吸引，而且炒飯嘅等候時間會耐啲，可能真係即叫即炒？不過一出貨就幾碟炒飯一齊出，希望唔係等埋夠數先一次過炒啦。🤔嘢飲方面就基本包熱飲啦，但港男見到有可口可樂海報，好似係加三蚊就可以轉玻璃樽可樂？但成個場唔見人飲，唔太確定係咪真係可以啊下。
總括嚟講，下次都真係直接試常餐好過，成個場嘅人都真係多數叫常餐或者all day breakfast 多，而港男睇見隔離枱嘅all day breakfast 係擺得幾靚仔嘅。
沙嗲牛肉麵常餐
$52
7 瀏覽
0 讚好
0 留言
然後港男又真係走去畀多次機會佢，今次就直搗黃龍，直接試個常餐啦。咁個餐包係好重蒜蓉味嘅，而個炒蛋都真係有少少黑松露喺度嘅，都香嘅。而個炒蛋同沙嗲牛麵都係基本水準啦，無咩特別。不過今次杯熱飲就出出哋事，港男為咗扮吓健康，最近都係叫開熱檸水嘅，咁通常就拮完熱檸就夾走，唔會長期浸住同埋都無加糖嘅。而呢次杯熱檸水，我長期飲到嘅都唔似係檸檬味，而且啲色都偏柑黃色咁，究竟杯嘢係發生咗乜事呢？🤷🏻♂️真係一個謎。其實九龍灣內都唔少茶記，以呢個價錢同質素，其實有更多更好嘅選擇，同埋間餐廳根本長期都無喇沙咁，希望真係搞搞佢好喎。
———-//////————
地址：九龍灣宏開道19號健力工業大廈地下2B號舖
電話：35687437
～～～～～～～～～
#堂食 #kongerguy #kongercouple #搵食 #情侶 #港侶 #couple #foodie #food #美食 #九龍灣 #九龍灣美食 #lunchtime #午餐 #沙嗲牛肉麵 #常餐 #瑤柱蝦仁炒飯 #熱檸水 #七月餐室 #黑松露炒蛋 #蒜蓉多士
張貼
