香港銀行家會所 (已搬遷) 新店位置

是一個strictly business的約會，一行六人來摸住酒杯底來farewell某某。某某是猛人，當然我只有幸的敬倍未席。呢度不是第一次來，當然是轉左呢行才時時來，因為都要同d行家收料的。位處於置地近頂樓，雖然四周比這裡高的大廈多的是，但景致還是一流的。裝修是老英式設計，幾典雅又令人坐得舒服。坐埋都係我最後生，打點飲食的唯有由我代辦。開左三支酒，由淺色到深色，第一支是96年Pol Roger的玫瑰紅，之後是02年Alsace F.E.Trimbach的Gewurztraminer白酒﹝沒有飲開的Riesling，唯有揀呢支﹞，最後是布根地00年Louis-Jadot的Beaune, 1 ER CRU Boucherottes。小吃叫了些三文治、咖哩角及花生等，傾下傾下幾個鐘，唔係有酒飲，真係幾悶的。最後一支，是私下帶來的純米大吟嚷，雖然在座無個識，但幸不辱命，結果要幫人訂多一箱。侍應招呼算不俗，都幾醒目。埋單二千五百幾，因公事飲酒，當然是公數埋單，所以無話抵唔抵。雖然價錢嚇人，但開左3支不算平的酒，又環境一流，座落黃金地段，所以都唔算物非所值。