名苑酒家 (已結業)

前幾日，廣州的幾個親友聖誕節來香港玩, 難得的一個相聚機會，決定去試下之前朋友推薦的名苑酒家，近近地來咗灣仔呢間分店，飯後又可以去欣賞香港夜景。當然係做主人家的我落單啦蠔皇柚皮鵝掌煲：柚皮不澀且夠豐厚，好入味, 唔錯架..；相反鵝掌扣得不算特別入味，不過都幾淋，都OK。蜆介薑蔥牛肉煲：蜆介幾多，夠味！薑蔥略生；牛肉好味，好嫩口。宮廷醬烤骨：望上去個樣都幾OK，上面有燒汁…好好味！如果d肉再淋d、入味少少就更加好！食完個碗底好油，女士怕肥就吾好食啦金銀蛋莧菜：蒜子很香，莧菜吃起來很嫩口，在湯內浸過了，吃起來口感細滑。親友食得都幾滿意，仲贊我識吃。。。哈哈！