木船 (已結業)

太和站經過商場往消防局方向，過完馬路行入去。平日一定排曬長龍，今日特登5:30pm早啲收工去試，天氣好凍(7C)，店員好細心，一坐下先來杯熱水......"特濃冬陰公湯配虎蝦", 煲仔上，熱辣辣好香， 足料， 濃濃椰香，少少辣帶酸酸蕃茄味，少有地落咗紫色洋蔥，甜甜地，味道非常夾，份量夠二至四人"街頭泰北生菜包" 肉碎做得好香，小小辣，有蝦香味，正!店員介紹"黃咖哩牛腩配蒜蓉法包"， 咖哩勁香，辣度可以選擇，牛腩好淋，蒜蓉包超級蒜香， 再加上香草洋蔥， 前所未有咁好味嘅蒜蓉包喺度搵到， 成個食物都非常之好味!"鮮蝦炒金邊粉"上面舖上一個蛋網，好有趣， 大大隻蝦， 感覺甜甜惹味，金邊粉不会太淋，好有口感。飲品叫咗香茅特飲 (熱) 薑蜜(熱)大致上食物嘅味道都較濃，天氣冇咁凍叫杯沙冰更理想。