味道樂居酒屋 (河內道) (已結業)

放工去咗K11附近同朋友行街，行到有啲肚餓就諗住食飯，但又唔想去K11商場食啲連鎖式集團嘅餐廳。朋友介紹去K11附近嘅味道樂居酒屋🤤，一於去試吓我地兩個人因為驚唔夠飽，叫咗唔少壽司同飯卷😂。我哋叫咗三文魚火炙壽司、左口魚邊火炙壽司、大葱特上吞拿魚腩卷、脆炸軟殼蟹反卷、海膽手卷、鹽燒雞翼同埋芝士免治雞肉棒😋三文魚左口魚邊火炙壽司🍣新鮮嘅三文魚同左口魚配上火炙，正🤤。佢地嘅左口魚邊食起上嚟有口感，唔似岀面嗰啲淋得滯👍🏻大葱特上吞拿魚腩卷🐟大葱配上肥美嘅吞拿魚腩卷，可以令到口感更加豐富，連平時唔太食葱嘅我都忍唔住食多幾件🫣脆炸軟殼蟹反卷🦀佢哋啲飯卷，份量好足。呢款軟殼蟹炸得鬆脆，配買沙律醬，邪惡得來，又唔會太過油膩🤤海膽手卷鍾意食海膽嘅朋友一定要試，鮮味十足，份量亦都夠大。鹽燒雞翼、芝士免治雞肉棒🍗鍾意食雞嘅我又點可以唔試呢度嘅雞翼同埋雞肉棒呢🤤。呢度嘅熱食都冇令到我失望，雞翼燒到香脆👍🏻。芝士同雞肉棒嘅配搭亦都好夾。