影片
更多
2019-08-14
736 瀏覽
雖然未到「叔叔」嘅年紀，但由細到大嘅印象中，鋸扒都係大事！要約好一日、著得靚靚，仲要由餐湯、主菜，去到甜品飲料，好大陣仗！不過今次去到大角咀呢間Medium Rare Steak 就完全改觀！首先點餐已經好親民，好似平時叫快餐咁，排住隊隊去叫扒！仲有個display 櫃俾你睇實有咩牛牛揀，好有趣！可惜我夜咗啲先到，得返西冷扒可以揀，其他無晒...然後就係揀size，我揀咗400克大份少少，老婆就300克！當然唔會好準切到俾你啦，不過均真噃，會按磅數收你錢！仲可以揀餐，有沙律、麵鼓湯、汽水、白飯俾你揀其中三款！汁都有得揀，蔥油、洋蔥、蒜油，同港式好唔同喇！我揀咗蔥油，OK晒落晒單就可以拎牌仔，等佢響就有得拎！自助式自己拎，壓力都細啲！鐵板好夠熱，聽聞都有成300度架！唔好睇佢親民格局，啲牛都幾有質素，入口即溶，好味！同埋佢應該對自己嘅牛牛質素幾有信心，雖然有俾燒汁你，但量唔多；蔥油都唔係濃味，可以原汁原味食到牛嘅肉香！牛味好夠，而且唔韌，係出色嘅！不過之後發現老婆嗰件扒好似熟咗少少，風味無我嗰份咁好，可能因為我叫400G份牛厚身啲，所以做到5、6成熟嘅效果，薄身嘅300G就去到7、8成熟
首先點餐已經好親民，好似平時叫快餐咁，排住隊隊去叫扒！仲有個display 櫃俾你睇實有咩牛牛揀，好有趣！可惜我夜咗啲先到，得返西冷扒可以揀，其他無晒...然後就係揀size，我揀咗400克大份少少，老婆就300克！當然唔會好準切到俾你啦，不過均真噃，會按磅數收你錢！仲可以揀餐，有沙律、麵鼓湯、汽水、白飯俾你揀其中三款！汁都有得揀，蔥油、洋蔥、蒜油，同港式好唔同喇！我揀咗蔥油，OK晒落晒單就可以拎牌仔，等佢響就有得拎！自助式自己拎，壓力都細啲！鐵板好夠熱，聽聞都有成300度架！
唔好睇佢親民格局，啲牛都幾有質素，入口即溶，好味！同埋佢應該對自己嘅牛牛質素幾有信心，雖然有俾燒汁你，但量唔多；蔥油都唔係濃味，可以原汁原味食到牛嘅肉香！牛味好夠，而且唔韌，係出色嘅！不過之後發現老婆嗰件扒好似熟咗少少，風味無我嗰份咁好，可能因為我叫400G份牛厚身啲，所以做到5、6成熟嘅效果，薄身嘅300G就去到7、8成熟，鍾意食粉紅牛牛嘅牛魔王記得叫大份啲！
最後提提個燒汁，有淡淡柚子味道，如果怕牛脂太膩嘅可以點多啲！不過個汁清爽得嚟又幾特別，記得點下！
張貼
