麻辣串串香 (已結業)

自選麻辣燙（$43 / 四餸)原來九龍灣德寶商場入面有好多嘢食！入面有個好有特色嘅細food court ，今次試咗呢間叫 #麻辣串串香 ，主要食酸辣粉同麻辣燙，咁酸辣粉就食得多，今次就試吓個麻辣燙。麻辣燙其實就係麻辣火鍋嘅簡單版，細細碗過下癮都幾唔錯😎Order嘅時候寫點餐紙，寫咗四款餸都係40幾蚊，呢度仲有個大大碗嘅package有10款餸都只係$40蚊，想食多餸可以揀呢個。等咗大概10分鐘左右就食得，叫咗小辣，粉絲掛湯幾好，湯底幾麻幾香，辣度岩岩好，唔會辣到食唔到，叫咗雞翼尖、韭菜雲吞、豬腸同豬腩肉，味道都唔錯，最好食係雞翼尖，幾入味👌🏻不過可能碗野太細碗食完就唔係幾飽，如果大食嘅朋友仔可以去隔離鋪加多件小食就啱啱好。