Le Three (已結業)

今晚同朋友走入距離觀塘市中心較偏既地方覓食,估唔到咁有驚喜有好多唔同種類既餐廳,行行下見到間比較歐陸風似希臘既小餐廳就心郁郁入去試試.蕃茄薯蓉湯,除左蕃茄湯味，的確係有一絲絲薯蓉味滲岀嚟，幾特別三文魚泥麥沙律,三文魚中規中矩，但藜麥好有驚喜食完之後本人對藜麥係完全改觀，溝左少少沙律醋，又幾夾，完全冇左記憶中怪怪地嘅藜麥味，而且幾爽口沙律仲有樣好似甜薯嘅東西，原來係手指提，好清甜，想再食多一兩粒芝士沙樂美千層麵,芝士味同肉醬剛好，兩者都唔會蓋過對方，麵條厚度適中西班牙黑毛豬胺扒,肉質好淋，中意食肉嘅會食得岀有豬香味，加上本身已經調味得好好，淡淡的鹽味，我覺得唔洗點汁都夠味，點得多會蓋過原本嘅肉味薯蓉有一點點咬口，同時平時食開嘅薯蓉唔同，都唔錯凍檸密係用蜂蜜，有驚喜另外一提，雖然成餐飯都好味唔係清淡派，但食完過左幾個鐘都完全唔覺口乾，係完全冇味精感，扺讚！