鴻圖樓

營業中

休息中

是晚到了觀塘打卡名點鴻圖樓食晚飯，七點多來到幾乎全店都訂咗枱，原來今晚有春茗。餐牌都幾多嘢揀，睇嚟睇去，都係炸嘢最吸引🤭⭐京式素鴨先來份素鴨，雖然有個鴨字但係其實同鴨係一啲關係都冇嘅，素鴨用腐竹造成一卷卷，咬落有千層口感，外層炸過更香酥，點少少醋就好好味。⭐蒜香九肚魚仲叫咗九肚魚，餐牌叫蒜香九肚魚，但其實同出面街嘅椒鹽九肚魚差唔多，炸過嘅九肚魚上面再加上炸蒜，又香又脆。⭐七彩火鴨絲最後仲有七彩火鴨絲，有三色椒、西芹、洋蔥、紅蘿蔔、鴨肉等切絲，顏色好睇又好食。⭐白飯咁好餸梗係要叫返碗白飯啦～鴻圖樓真係好熱鬧，二樓三樓全部訂滿咗，氣氛輕鬆愉快～