La Serre

營業中

休息中

平時散步經過依間餐廳己經好想試，因為覺得餐廳室內好有情調而室外就好寫意。今日約咗個係觀塘碼頭附近返工嘅朋友食晚飯，一於試下依間餐廳。餐廳室內及室外嘅座位都好有空間感，而室內樓底高所以就算full house都唔會覺得嘈，非常適合飲嘢傾計。三黃雞份量多，半隻三黃雞非常肥美，外皮煎得香脆，雞肉嫩滑，印度米煙韌除了油香味十足，蒜、香草及野菌味十足，整體非常惹味。西班牙黑豬梅頭肉質鬆軟內裡juice，配上酸酸甜甜蘋果蓉，非常醒胃。新鮮薄荷滿滿一杯，薄荷味十足加上青檸，非常清新。新鮮熱情果加上新鮮青檸，酸甜度適中。