峯日式料理

營業中

休息中

其實觀塘要搵嘅話都有好嘢食嘅，幾年前就話係美食沙漠，呢家真係只要你去搵，總搵列適合你口味嘅嘢食。呢間日式料理定食餐廳，原來係阿神 - ViuTV全民造星有份投資。我諗都係夾10萬8萬姐，叫做有個宣傳效果。地方唔大，餐廳位於熟食中心裡面，都唔難搵，但個食物質料幾好，又唔貴。啲食物都係即叫即做，所以一般都要等20分鐘先做好。晚餐 - 咖哩吉列豬扒定食 $68豬扒幾大塊，炸粉唔厚，金黃色咬落肉質彈牙，又無雪味。咖哩汁甜味重，甘口多於辛口。野菜沙律配個糖心蛋，誠意十足。