犢食 (已結業)

上星期去左觀塘，睇一睇手機，有咩黃店，發覺原來工廠大廈入邊都有間叫犢食。反正路過就試吓佢啦。上到去覺得個裝修其實都幾特別，幾有日式風格，舖頭唔算話好大，大部份嘅都係高櫈，不過入邊裝修都幾骨緻，牆身填滿左店主鍾意嘅CD，都叫幾唔錯。今次叫咗佢嘅招牌牛肉飯同埋湯咖哩，仲有啲小食添。先講個牛肉飯，同坊間嘅唔同，佢本身係配有薑，薑味都幾濃烈，食唔關嘅朋友可能會覺得佢遮蓋左牛肉本身嘅味道。我自己另外加咗豉油糖心蛋，配埋牛肉飯食其實幾正，不過我自己都麻麻哋啲薑哈哈。至於湯咖喱方面，個人覺得味道偏淡，不過佢配有好多蔬菜，我估都係想營造一種清新嘅口感。漢堡扒都幾好食，不過如果可以流心嘅話就更加好。講吓啲小食，個人覺得個炸豆腐做得幾唔錯，外脆內軟，而且加埋柴魚片，更有和式嘅風味。總括嚟講，觀塘區嘅黃店有好多都成為左大家嘅滄海遺珠，如果經過巧明街，不妨上去試吓呢間！