影片
更多
2024-06-03
34 瀏覽
呢一間係喺觀塘裕民坊嘅餐廳，環境都幾清靜，仲有戶外對出嘅卡位，可惜去嘅時候落雨，所以就坐咗喺餐廳入邊，環境方面都幾闊落，同埋侍應都好貼心，雖然坐咗喺比較入邊嘅位置，但係都會不時過嚟加水同埋收碟！餐牌有跟set同單點嘅選擇，都幾多款式！🌈我叫咗dinner set，卡邦尼煙肉意大利粉$108，有餐湯同嘢飲～ 卡邦尼意粉都幾正宗蛋香味比較濃嘅意粉，唔係忌廉嗰一個款，煙肉幾香口，加埋菇菇令整體唔會油膩，反而口感層次豐富，麵質係比較有彈性，唔會太腍，我都幾鍾意呢個口感！🌈另外小食叫咗酸忌廉煙肉碎薯條$68除咗薯條上面會灑上煙肉碎之外，佢係點嘅酸忌廉入邊拌勻左煙肉碎，所以每一下點嘅時候都會食到煙肉，但整體又唔會食到成手污糟晒，10分香口，另外仲有茄汁，所以兩樣可以加埋一齊點，份量幾足，傾偈嘅時候食得幾開心！🌈柚子雞翼$68雞翼有5隻，隻隻都好飽滿又多汁，同埋出邊嘅係煎炸完好香脆既外皮，然後再加上柚子醬拌炒，味道會特別濃郁，酸酸甜甜好好食！🌈朋友叫咗龍蝦汁波士頓龍蝦意大利飯，佢呢一個就貴啲同埋唔係跟餐，但因為朋友想食海鮮，所以就叫咗呢個～ 龍蝦都幾新鮮，因為好易離殼，仲有龍蝦籽同膏係上面，龍蝦🦞鉗
🌈
我叫咗dinner set，卡邦尼煙肉意大利粉$108，有餐湯同嘢飲～ 卡邦尼意粉都幾正宗蛋香味比較濃嘅意粉，唔係忌廉嗰一個款，煙肉幾香口，加埋菇菇令整體唔會油膩，反而口感層次豐富，麵質係比較有彈性，唔會太腍，我都幾鍾意呢個口感！
🌈
另外小食叫咗酸忌廉煙肉碎薯條$68
除咗薯條上面會灑上煙肉碎之外，佢係點嘅酸忌廉入邊拌勻左煙肉碎，所以每一下點嘅時候都會食到煙肉，但整體又唔會食到成手污糟晒，10分香口，另外仲有茄汁，所以兩樣可以加埋一齊點，份量幾足，傾偈嘅時候食得幾開心！
🌈
柚子雞翼$68
雞翼有5隻，隻隻都好飽滿又多汁，同埋出邊嘅係煎炸完好香脆既外皮，然後再加上柚子醬拌炒，味道會特別濃郁，酸酸甜甜好好食！
🌈
朋友叫咗龍蝦汁波士頓龍蝦意大利飯，佢呢一個就貴啲同埋唔係跟餐，但因為朋友想食海鮮，所以就叫咗呢個～ 龍蝦都幾新鮮，因為好易離殼，仲有龍蝦籽同膏係上面，龍蝦🦞鉗都開得好過癮🤣 意大利飯就係龍蝦汁嘅味道，飯嘅質地唔會過腍，有少少煙靭嘅口感，好吸龍蝦汁！呢間餐廳鍾意佢整體嘅味道啱啱好，唔會太過濃味令人口渴，同埋嘢食嘅份量都幾大份，唔會好似一般西餐咁好似食唔飽，環境都舒服！
張貼
