大滿屋日本料理 (已結業)

好口痕想食下放題，不過唔單止食刺身，仲有黃金蝦食，出面食一碟閒閒地都七八十，今次放題竟然有得食！香脆口味，全隻蝦被咸蛋黃包圍得好均勻，絕非hea底！仲有泰式鳳爪同生蝦，一次過可以食埋中泰日既菜色，絕對唔會乏味沉悶呀！當然，都有大大隻刺身船啦，畢竟食放題都為左大啖大啖食刺身！刺身爽口之餘仲有返咁上下要厚度，完全唔係薄切！鍋物仲可以揀埋壽喜燒，甜甜既醬汁好開胃！一次過食晒係唔同食肆先可以食到既野，一次個滿足晒咁多個願望，真係冇改錯名！