影片
更多
2023-07-24
43 瀏覽
襯週末去左觀塘買野，諗住好耐無食西餐，於是搵到呢間位於工廈的隱世西餐廳 Le Monde。入到去環境喜出望外，空間夠大，每張枱有合適的距離，裝潢都夠晒Decent，整體感覺幾好。今次嗌左兩道Set Dinner，已經包晒小食、餐湯、主菜、甜品同埋餐飲，咁Weekend想輕鬆下，所以叫多兩杯Cocktails。小食分別係鯷魚車厘茄沙律同埋蟹沙律酥皮撻。本身都有少少驚鯷魚會腥，但食落味道又唔錯，反而係佢將鯷魚鹽餣左提升鮮味。而蟹酥皮撻幾「的骰」，但其實都有好多蟹肉，而酥皮都做到鬆脆的效果。餐湯就諗住試晒兩款，包括龍蝦湯同埋法式洋蔥湯。前者味道好濃郁，充滿龍蝦的味道。不過後者更加有驚喜，見到落左好多洋蔥，非常足料，令到湯的味道好清甜，加埋浸左湯的麵包同埋芝士，提升左口感同埋層次。主菜分別叫左呢個主打的熟成西冷同埋比目魚。熟成西冷味道同普通西冷係肉質方面變得更嫩滑，脂肪會比較均勻、味道會更加濃郁和Juicy。而配上酸青瓜夾左露筍係幾新鮮的配搭，同時可以解膩。而比目魚好大塊，魚皮香脆而肉質嫩滑，配上番茄湯同埋薯蓉，加埋白酒珍珠，味道都幾夾同清新，好似係一道菜同時進行Wine & Food Pai
今次嗌左兩道Set Dinner，已經包晒小食、餐湯、主菜、甜品同埋餐飲，咁Weekend想輕鬆下，所以叫多兩杯Cocktails。
小食分別係鯷魚車厘茄沙律同埋蟹沙律酥皮撻。本身都有少少驚鯷魚會腥，但食落味道又唔錯，反而係佢將鯷魚鹽餣左提升鮮味。而蟹酥皮撻幾「的骰」，但其實都有好多蟹肉，而酥皮都做到鬆脆的效果。
餐湯就諗住試晒兩款，包括龍蝦湯同埋法式洋蔥湯。前者味道好濃郁，充滿龍蝦的味道。不過後者更加有驚喜，見到落左好多洋蔥，非常足料，令到湯的味道好清甜，加埋浸左湯的麵包同埋芝士，提升左口感同埋層次。
主菜分別叫左呢個主打的熟成西冷同埋比目魚。熟成西冷味道同普通西冷係肉質方面變得更嫩滑，脂肪會比較均勻、味道會更加濃郁和Juicy。而配上酸青瓜夾左露筍係幾新鮮的配搭，同時可以解膩。而比目魚好大塊，魚皮香脆而肉質嫩滑，配上番茄湯同埋薯蓉，加埋白酒珍珠，味道都幾夾同清新，好似係一道菜同時進行Wine & Food Pairing。
之後精選甜品係榛子蛋糕配焦糖香蕉，榛子同香蕉配搭的味道好夾，而蛋糕唔算太甜，甜度控制得岩岩好。而Cocktail 推介Le Monde Rainbow望落好吸睛，真係好似彩虹一樣，分別係有紅莓汁、燈汁、Gin加Soda，味道好易入口。
最後要提的係呢度擺盤的心思，每一道菜都用左唔同特色的器具同埋擺盤，而西冷的碟更加預先有加熱，以防牛扒凍左唔好食，值得一讚。
張貼
