現代巴蜀麻辣米線 (已搬遷) 新店位置

我不嬲都鍾意食呢d小店(即係冇乜分店果d). 味道總係有d分別. 當譚仔變得大路貨嘅時候, 巴蜀就變成心中米線首選.以前經過點都冇諗住入. 出面唔吸引. 大大隻字食麻辣. 對於我一向覺得'辣'係用黎點綴下食物嘅味道 嘅人.. 又點會無啦啦試得架..年幾前阿炳叫我去試下佢之後, 我就覺得佢嘅炸醬係so far 食到最好食嘅一間. 其他炸醬出哂名如 星林居, 譚仔, 麻辣川, 雲南風味, 等等 通通都比下去...是次.. 食返我嘅至愛組合.. 炸醬, 腩肉, 蘿蔔; 要微辣~ 燒雞翼有香草同麻辣. 雖然食得出唔係完全燒 (即本身整到半熟, 之後燒至全熟 e,g, 叮, 焗, etc), 但燒烤食品配湯米線, 一向都係絕配.雖雞翼本身不至一絕, 但都皮脆肉嫩兼夾香口, 所以每次總要叫一碟先覺得滿足 食食下.. 阿炳指一指牆上張memo, 先知道佢地要搬喇! 搬去大角咀條食街度(埃華街). 家住九龍東, 既然佢搬得遠左, 就梗係近近地食多幾餐先啦... 到時去到大角咀, 有咁多選擇, 真係唔知可唔可以受得住其他誘惑而去食呢個至愛炸醬呀?! P.S. 唔係因為佢搬, 都冇諗住寫返呢個食評留念,