許留山 (已結業)

今日去左灣仔，突然想食甜品，就同朋友去到就近o既許留山食甜品喇，其實每次去許留山我都必食多芒小丸子架喇，朋友揀左王牌熱賣第二名o既燕窩椰皇燉雪蛤，我地仲異口同聲都話叫咖喱什錦添1. 多芒小丸子 芒果份量仍然好多，味道酸中帶甜食得出係新鮮芒果，小丸子o既份量比例上少，咬落煙煙韌韌好似麵粉團咁有少少甜，芒果雪球就唔夠凍，所以好快就溶哂係芒果汁度，同樣地芒果汁都唔凍，而且好稀味道較淡，水準似乎比以前馬夫左   2. 燕窩椰皇燉雪蛤 平時去許留山揀野食點揀都未必揀佢，因為價錢比其他甜品貴有少少唔捨得食，今次朋友叫就有幸一試喇，原隻椰子上個擺設都幾靚，椰子唔會見到有鬚根凸出黎而且光滑，不起一匙望一望都幾多餡料，但食落去就有d失望，唔夠熱已經令分數大打折扣，雪蛤份量都算幾多但似乎唔見燕窩，由於原隻上就可以連入面o既椰子肉都食埋   3. 咖喱什錦 什錦o既食物包括魷魚，魚蛋，蘿蔔，牛柏葉，一直以黎都覺得呢度o既咖喱什錦好好味，好彩係呢方面挽回分數，魷魚同牛柏葉咬落去爽口，魚蛋雖然細粒但好彈牙，蘿蔔好入味而且有好多汁，咖喱o既味道幾特別，好夠辣但又唔會辣到那喉   ## 今晚兩個甜品都未如理想，凍就