影片
更多
2015-08-13
1777 瀏覽
平時做開CD rom,但今次有d不太愉快經歷，所以想寫出黎。今次上網見到有芝士火銅，又唔係好貴喎，所以吸引左我去試。果日收工去到都8點，所以都幾多人係到等緊。但心諗一場黎到。原來果日有班年輕人(我想信係d大專學生)，應該都十幾個，搞到好多人等等下都走左。咁我見由前面有好多張台等到得番兩張都照等啦，咁就出事啦。一等等左我兩粒鐘呀，仲要臨到我的時候，原來有張book左的台，俾佢入左先，果下真係嬲。終於等到入去啦，我叫左個芝士龍蝦湯底，廣島蠔鍋，配烏冬。我覺得一般，龍蝦湯就真係幾有龍蝦味，但我又唔覺好有芝士味。咁同淨叫龍蝦湯冇乜分別，咁我就唔洗加6蚊加芝士啦...友人叫左雙重芝士湯，肥牛鍋，配公仔麵。或者我同友人都食得濃味啦，感覺上個湯底冇乜芝士味，所以有d失望。同埋其實個鍋入面冇乜餸，得少少菜，一舊冬菇，一d金菇，兩舊好細的豆腐，完。所以其實主要係個麵飽，或者要叫餸。所以感覺上，佢收到吉x家的價錢，但d配料少咁多，所以覺得唔係想像中咁抵。而我同友人都冇加野，因為一來等到都嬲嬲地，二來入面都好細坐得唔係太舒服，我食到出晒汗好熱，所以我地決定快d食完快d走。總括覺得，服務一般，係安排入座方面有
今次上網見到有芝士火銅，又唔係好貴喎，所以吸引左我去試。
果日收工去到都8點，所以都幾多人係到等緊。但心諗一場黎到。原來果日有班年輕人(我想信係d大專學生)，應該都十幾個，搞到好多人等等下都走左。咁我見由前面有好多張台等到得番兩張都照等啦，咁就出事啦。一等等左我兩粒鐘呀，仲要臨到我的時候，原來有張book左的台，俾佢入左先，果下真係嬲。終於等到入去啦，我叫左個芝士龍蝦湯底，廣島蠔鍋，配烏冬。
我覺得一般，龍蝦湯就真係幾有龍蝦味，但我又唔覺好有芝士味。咁同淨叫龍蝦湯冇乜分別，咁我就唔洗加6蚊加芝士啦...
友人叫左雙重芝士湯，肥牛鍋，配公仔麵。
或者我同友人都食得濃味啦，感覺上個湯底冇乜芝士味，所以有d失望。
同埋其實個鍋入面冇乜餸，得少少菜，一舊冬菇，一d金菇，兩舊好細的豆腐，完。所以其實主要係個麵飽，或者要叫餸。所以感覺上，佢收到吉x家的價錢，但d配料少咁多，所以覺得唔係想像中咁抵。而我同友人都冇加野，因為一來等到都嬲嬲地，二來入面都好細坐得唔係太舒服，我食到出晒汗好熱，所以我地決定快d食完快d走。
總括覺得，服務一般，係安排入座方面有待加強，唔值人等咁耐，呢間貪新鮮試一次就夠。
張貼
