隨然有機玄米菜食料理 (已結業)

本來想食某素食自助餐，但去到滿座，只可以隨便揀附近的素食店。1845去到，我地係第一枱客。餐廳環境唔錯，日式自助格調。菜單設計都係日式格調。叫左兩個主菜，一個小食。秘製冷奴配香脆蓮根味道唔錯。蓮根有啲薄，但個豆腐有驚喜。豆腐係自家制，唔滑但豆味香濃。令我有點期待主菜。但一上菜，超級失望。自家製日式咖哩飯飯同配菜份量都好細。咖哩同印象中嘅日式咖喱有好大分別。咖喱係椰奶未偏重，入口都幾辣。配菜真係少得可憐。兩片茄子開半，一條秋葵開半，再加三片不知名的東西(味道有點似芋頭糕)。盛惠$98。本菇醬油唐辛子意大利麵同樣本菇少得可憐。食第一啖意粉時，發現未煮透。個芯仲係白色的，同左餐廳嘅人講，佢話意粉嘅質地係咁，同專登煮到岩岩好。絕對顛覆我對岩岩好同熟唔熟嘅概念。又盛惠$98。最後食完仲係好肚餓，結果要食多個格仔餅先叫飽。認真試一次就夠。