CoCo壹番屋 (已結業)

成日行過鱷魚恤中心都好想試下CoCo, 噚晚同家姐一於去試下。 聽人講好難搵位, 所以我早半個鈡頭就去搵定位, 可能早嘅關係吧, 好好彩無乜人。打開個menu, 我同家姐都決定加$20(沙律+飲品)叫個set dinner。 你可以選擇無辣,少辣, 幾多分辣...怎至飯嘅分量都可以任君選擇。 咖喱吉列雞扒: 無辣。 同樣有咖喱味, 汁夠多。 個人認為真係要趁熱食, 冷咗食啲雞扒有啲粉粉嘅感覺。 咖喱蜆肉: 少辣。 蜆肉略嫌細粒咗少少。