盛八日式火鍋放題店 (已結業)

Ss真係好outdated...到以家先第一次去食日式火鍋放題…朋友食過，介紹俾Ss去食，Ss心諗都應該好食嘅。Ss今次揀咗$208澳洲貴族和牛，係openrice 下載coupon,原價$298，服務費收原價嘅10%。湯底加$18揀咗雙湯底，分別係壽喜燒同黑蒜豬骨湯鍋。湯底好普通，黑蒜豬骨湯鍋更加食唔出有咩味…澳洲貴族和牛其實算是不錯，食落口幾滑身，可惜牛肉切得太薄，攪到冇咩牛味，另外亦試咗美國肥牛更是慘不忍睹，好彩冇貪平揀美國牛！豬肉有幾薄.......自己睇..........另外，出面有其他火鍋配料拎，當中丸類選擇很多，而質素都很不錯。甜品亦有十款到，以放題嚟講都算多選擇。甜品質素比較普通，不過有froyo已經好好喇！成個放題得90分鐘，其實食得比較趕。今次埋單，兩個人$500，未算抵食，不過Ss覺得可以一試嘅。題外話，餐廳地下好滑，已經小心行，都仲有滑腳嘅情況，大家如果去嘅話，就要小心啲喇！