影片
更多
2022-11-28
38 瀏覽
介紹返💁🏻♀️。。🇮🇹 意大利菜 在將軍澳 🇮🇹。A Tavola Bar & Grill。MONTEREY Place 地下G08號舖。NZ Mussels。HKD85 + 10%Salmon Tartare。HKD168 + 10%Half & Half PizzaFour Cheese Pizza x Seafood Pizza。HKD198 + 10%🤫 新鮮滾熱辣..尋晚同將軍澳之友出咗去海濱嗰邊搵間酒吧睇波..雖然個人嚟講係唔係好識睇波..但係話晒都係四年一度嘅世界盃..都要出去應吓節嘅🤭🤫 我哋今次幫襯嘅係A Tavola..有Indoor同Outdoor Seats..但係因為尋晚煙霧離漫..又有雨粉..基本上全部人都揀坐Indoor..咁都有半個場Full咗嘅..座位都幾闊落舒適..而且每個位都睇到大電視..咁我哋兩條女就決定叫兩個Starter 加一個Pizza🤫 嘢食都算好快嚟到.. 先講吓Starter嘅青口先..紐西蘭青口Size算係大..仲有成十幾廿隻咁多..調味係有啲似蕃茄清湯加咗些少香茅同菠菜..估唔到咁好味個喎..我平時食青口淨係鍾意食白酒煮嘅咋..今
。
。
🇮🇹 意大利菜 在將軍澳 🇮🇹
。A Tavola Bar & Grill
。MONTEREY Place 地下G08號舖
。
NZ Mussels
。HKD85 + 10%
Salmon Tartare
。HKD168 + 10%
Half & Half Pizza
Four Cheese Pizza x Seafood Pizza
。HKD198 + 10%
🤫 新鮮滾熱辣..尋晚同將軍澳之友出咗去海濱嗰邊搵間酒吧睇波..雖然個人嚟講係唔係好識睇波..但係話晒都係四年一度嘅世界盃..都要出去應吓節嘅🤭
🤫 我哋今次幫襯嘅係A Tavola..有Indoor同Outdoor Seats..但係因為尋晚煙霧離漫..又有雨粉..基本上全部人都揀坐Indoor..咁都有半個場Full咗嘅..座位都幾闊落舒適..而且每個位都睇到大電視..咁我哋兩條女就決定叫兩個Starter 加一個Pizza
🤫 嘢食都算好快嚟到.. 先講吓Starter嘅青口先..紐西蘭青口Size算係大..仲有成十幾廿隻咁多..調味係有啲似蕃茄清湯加咗些少香茅同菠菜..估唔到咁好味個喎..我平時食青口淨係鍾意食白酒煮嘅咋..今次試到另外一種適合我嘅味道啦..青口伴有超級甜嘅車厘茄..呢個我推薦
🤫 然後另外一個Starter我哋就揀咗三文魚Tartare..平時出邊食嗰啲Tartare味道唔算好出..但係呢度嘅呢就好香檸檬味..少少酸酸咪咪但係又唔會太搶..而且牛油果同埋三文魚嘅份量都多..下邊仲墊咗啲火箭菜添..我朋友仔平時唔多好Tartare都話Yummy
🤫 最後講吓我哋嘅Main Dish.. 食得意大利菜梗係要試吓佢哋個Pizza啦..我哋兩條為食妹呢個味又想試..嗰個味又想試..一於揀Half & Half..滿足兩個慾望..先講吓我自己鍾意啲嘅Four Cheese..雖然係完全冇肉嘅一片Pizza..但係佢嗰啲Cheese嘅香濃味道..真係不得了..就算係食肉獸都要俾個Like..第一個最出嘅味係Gorgonzola Cheese..嗰種難以形容嘅Blue Cheese味..鍾意芝士嘅你一定明白我講咩..然後仲有Taleggio Cheese嘅軟熟口感..再加上Mozzarella Cheese嘅微微煙韌同Parmglano-Reggiano Cheese嘅鹹香..我愛呀呢個
🤫 然後另外嗰半嘅Pizza呢..我哋就揀咗海鮮Pizza..外表就唔係特別討好..佢啲海鮮應該用咗啲香草去調味..表面睇每嚿海鮮都係綠綠地色😂..但係其實食落又OK喎..而且都放咗好多種唔同嘅海鮮落去㗎..我就食得出有青口..魷魚.. 蝦同嚿嚿都好大嘅三文魚..調味方面相比起Four Cheese淡口..雖然都係有芝士..但係蕃茄醬羅勒葉嘅味道會再出啲..朋友仔就話佢鍾意呢個多啲喎
🤫 其實本身我就想啤啤佢嘅..話晒都睇世界盃呀嘛..隔離嗰幾枱都喺度啤緊..不過礙於某啲唔適合飲啤酒嘅日子..我哋唯有忍一忍口..飲住水先囉..睇返個Menu..A Tavola Weekday好似有Happy Hour..全部Alcohol都平好多咁..好..等我下一次校啱個時間再嚟過
。。
翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）
。。
張貼
