Thirty First of May (已結業)

荃灣越來越多好野食,今晚收工同老公行完AEON,準備去晚餐,周圍行,竟然比我地搵到間好食有格調既西餐廳。未入門口,係門口到打個卡,今晚係閒日相對唔洗點等位就有得坐。我坐個位就對正個月亮,唔單止係咁,佢重播好多老公好鐘意既英文歌,有格調得黎帶點浪漫,老公更加欣賞呢到既執著(睇裝潢係睇得出嫁)整體店員有禮貌,對餐廳既菜式配料相當熟識。頭盤方面,係意大利巴馬火腿配蜜瓜,賣相色彩非常豐富,沙律菜夠新鮮,HAM同蜜瓜比例岩岩好,配上小小醋,口感好夾之外,份外開胃。餐湯老公叫左黑松露野菌忌廉湯,而我就叫左是日餐湯-蕃茄甘荀薯仔忌廉湯。兩款湯都味道濃郁,相信係因為落足料既原故,黑松露野菌忌廉湯又好蕃茄甘荀薯仔忌廉湯都好,我同老公都可以食到細細粒既相關材料。黑松露野菌忌廉湯好多西廳都有得飲,但呢一間係我地飲過一致最認為最好飲既。而蕃茄甘荀薯仔忌廉湯,顏色好明顯係來自甘荀,味道就偏向蕃茄薯仔味多D,但依然岩晒我口味。食西廳點少得飲湯配多士?比較意外係用蒸籠上檯,當我以為D多士實唔夠脆啦,又唔係WO。重有最鐘意既蒜容蛋黃醬話咁快就到主菜,叫左卡邦尼意粉24個月巴馬臣芝士,意粉硬度適中,有咀嚼感,芝士味恰到