高高酒家 (已結業)

原本想訂另一間店，但某些原因來了高高。據知此店新開無耐，菜式與一般酒家無太大分別，但估唔到質素卻非常好。先點了3碟椒鹽少炒（九肚魚、雞骨、豆腐），全部都咁乾身，而且用料、份量足，尤其丸肚魚，用料食得出夠新鮮。之後負責人介紹我地食避風塘瀨尿蝦，本來都無乜特別期望，點知上枱原來係拆埋肉，正！啖啖肉無得頂。再黎叫左芥蘭煲、冰川咕嚕肉、小炒皇，全部都係水準以上。食完大家意猶未盡，再叫多個糯米飯、炒麵，加多半隻雞。麵、飯都ok, 雞就買相差少少，但味道搭夠。整體黎講非常超值，6個人食咁多野，埋單都係1,400有找！