鴻星中菜 (羅氏商業廣場) (已結業)

升職當然要請師傅食一餐啦，就大家方便，唯有揀咗呢間鴻星，位於長沙灣嘅呢間鴻星，平日夜晚靜成咁，冇乜幾多枱客人，唔知佢點經營呢?叫咗個黃油蟹套餐：1. 黃油蟹 - 都唔油嘅? 好有癮，同以前食嘅好大分別，不過都幾年冇食，可能近年質素下降，又或者鴻星入嘅唔係上等貨。2. 石頭魚羹翅 - 好難食，都唔知道搵邊個嚟煮嘅，又冇料，唔覺有石頭魚味，連魚味都唔覺。3. 堂煎美國帶子皇 - 真係好大件，但係過早上枱，未食都已經凍哂了。4. 30頭南非鮑花膠筒 - 竟然肉錫紙包住上枱，真係cheap到呢.....5. 湯泡元貝竹笙 - 用上湯餵過，夠味，但份量少得可憐。6. 椰汁官燕 - 啲燕窩碎到呢....Comments: 好普通嘅一餐，以後最好冇機會再去呢間食嘢。