小南國 (已結業)

葡萄牙文課程的謝師宴，同一班老師同學去左北京道一號到食飯，一早同事仔已經卜左小南國的枱，然後去到就有位，非常方便。一入到去見到個景已經好正，可以睇到成個維港景，大家都拎起電話不停影影影。影完相，卜枱的同學仔好醒目，一早諗定食乜，所以已經叫定菜。糖醋魚 - 甜甜酸酸，炸粉不厚，每件一口，容易入口，味道不錯。帶子新鮮，清爽有嚼口。小籠包需要等一點時間，但是肉汁鮮嫩，皮薄多汁，咬的時候要小心。