影片
更多
2020-05-23
1439 瀏覽
未試過寫食評，但係因為今次經驗真係太差，覺得有需要同大家講吓。一入到餐廳就覺得超級唔對路，啲裝修- 好聽啲就係日式家庭feel，唔好聽米up up dup dup，都算！但係果陣味真係好好好勁魚腥味！食過好多間omakase,普通日本餐廳，都絕對唔會有呢隻味，up up 臭臭到我好想嘔。🤮🤮🤮$699一個人嘅omakase真係冇諗過係咁嘅環境，仲要聞住啲咁腥臭嘅味，同埋有一隻烏蠅飛來飛去，呢一刻已經好想走超級唔想食。（仲要無量度客人體溫！）🤦🏻♀️🤦🏻♀️因為我自己到先，我女朋友未到，而我真係好頂唔順成個感覺，未食都覺得好伏。咁我好有禮貌咁同壽司師傅講：唔好意思啊，完來我朋友有啲唔舒服黎唔到，咁我下次先再黎幫襯🙇🏻♀️ 點知個日本師傅聽唔明我講咩。咁個女侍應就係後面即刻好無禮貌超級串咁講: 咩唔舒服啊！點會你到左佢先話唔舒服，佢呢個時間應該都出咗門口啦！定係你睇左餐牌個價錢先想走！？ 師傅已經準備晒啲食材啦喎！！我一秒嚇傻咗，冇諗過入一間餐廳會有啲咁嘅待遇，請問呢啲係咩顧客服務？ 完全俾唔到反應⋯⋯果一刻完全覺得俾人威迫下一定要焗住食⋯⋯😥😥至於嘢食方面，8件壽司加一個海膽丼，壽司一啲
一入到餐廳就覺得超級唔對路，啲裝修- 好聽啲就係日式家庭feel，唔好聽米up up dup dup，都算！但係果陣味真係好好好勁魚腥味！食過好多間omakase,普通日本餐廳，都絕對唔會有呢隻味，up up 臭臭到我好想嘔。🤮🤮🤮$699一個人嘅omakase真係冇諗過係咁嘅環境，仲要聞住啲咁腥臭嘅味，同埋有一隻烏蠅飛來飛去，呢一刻已經好想走超級唔想食。（仲要無量度客人體溫！）🤦🏻♀️🤦🏻♀️
因為我自己到先，我女朋友未到，而我真係好頂唔順成個感覺，未食都覺得好伏。咁我好有禮貌咁同壽司師傅講：唔好意思啊，完來我朋友有啲唔舒服黎唔到，咁我下次先再黎幫襯🙇🏻♀️ 點知個日本師傅聽唔明我講咩。咁個女侍應就係後面即刻好無禮貌超級串咁講: 咩唔舒服啊！點會你到左佢先話唔舒服，佢呢個時間應該都出咗門口啦！定係你睇左餐牌個價錢先想走！？ 師傅已經準備晒啲食材啦喎！！
我一秒嚇傻咗，冇諗過入一間餐廳會有啲咁嘅待遇，請問呢啲係咩顧客服務？ 完全俾唔到反應⋯⋯果一刻完全覺得俾人威迫下一定要焗住食⋯⋯😥😥
至於嘢食方面，8件壽司加一個海膽丼，壽司一啲都唔多款，切得又好厚，啲魚好唔新鮮，仲覺得係臭臭地。最慘係有一件仲食到有魚骨！佢嗰個海膽仲要係有苦澀味！😡差差差！最好食係個豆腐雪糕！
嘢食差之外，仲有嗰個所謂日本嘅師傅，對住我哋就扮晒要用英文溝通。明明就係同緊女侍應講普通話。至於服務態度，雖然佢有為咗女侍應嘅事講咗聲對唔住，佢話個女侍應今日心情差所以先咁講嘢。但係依個日本師傅之後serve我哋嗰陣時，表面就禮禮貌貌，成日問我哋o唔ok，但係硬係覺得佢態度好差，啲動作要特登做到好大力，好似發緊脾氣咁！
埋單要成$1400 2個人，真係食到成肚氣！😭😤
之前見到OpenRice d review同埋佢有咁多好評，以為佢OK啦。都唔知點解會有咁多好評？！明明係世紀大伏餐廳，希望大家唔好再中伏！
我食完之後，我見到任何壽司刺身圖片都好想嘔。我諗我暫時都唔敢再食壽司住⋯⋯😓
張貼