水車屋日本料理 (已結業)

自從讀書時代識得尖東 , 就已經被這間水車屋吸引了, 個店名易記 , 門口個水車都好特別 , 讀書後又在同事中聽到佢點樣貴價, 點樣好食, 感覺是極其高級的食肆. 最近收到信用卡公司的88折優惠券 , 見D放題價真是好超值吸引, 點都要去試下.......當晚約七時到場見幾乎全滿, 但可惜只能做一輪生意, 八時多開始 , 人客陸續走了,都唔見有新客再入場 , 唔怪得要做減價優惠吸引客了. 食物方面選擇小, 味道一般姐 , 完全無驚喜.... 咁多年來的希望幾乎完全幻滅 ( 可能是希望越大, 失望越大 ) 　每人送一客海膽手卷, 都OK新鮮的, 但海膽份量不多 　刺生，燒物都只得普通之幾款，燒牛肉卷和豬頸肉都ＯＫ的　天婦羅好唔得，可能漏單追好多次才到，但重覆來了兩大碟，真是食唔晒，　　外層脆漿比較韌，一Ｄ都唔鬆化　熟食方面，蜆粥有沙，牛肉飯都唔係用珍珠米，牛肉窩都唔錯　甜品反而有驚喜，燒波蘿好正，reorder 了幾次