八方台式麵屋 (太古城中心) (裝修中)

呢幾日都落大雨 屋企人都懶得落街買餸 所以叫我放工返屋企嗰陣買外賣食算嗌咗兩個套餐同兩杯手搖飲品 套餐可以揀一個主食同一個小食 先幾十蚊一個餐 算係幾實惠滷豬手乾拌麵鹵豬手唔會鹵得過淋 煙煙韌韌好有骨膠原 肉燥小棠菜簡單嘅白灼小棠菜配上有少少油水嘅肉燥 令啲菜更加香口好味麻醬椒香乾拌麵食辣嘅人一定要試呢個 有椒香味嘅辣醬配上粗身煙煙韌韌嘅麵條 好惹味又有咬口台式鹽酥雞脆得嚟又有肉汁 不過即刻炸起即刻食 堂食應該會更加好味台灣茉莉綠茶嗌咗先記得自己唔記得叫小甜 但係意外地杯嘢唔係好甜 都幾啱我口味玫瑰鐵觀音玫瑰味就唔係特別出 不過可以當係一杯帶有少少甜味嘅台式茶類飲品